श्री रातापुर आधारभूत विद्यालय
Shree Ratapur Basic School
Shree Ratapur Basic School
स्थापना २०१४
चितवन जिल्लाको पश्चिमी भागमा अवस्थित यो विद्यालय वि.सं. २०१४ सालमा श्री कृष्णज्योति स्कुलको नामबाट स्थापना भएको हो।
शिक्षाको उज्यालोबाट वञ्चित बालबालिकालाई शिक्षा दिएर सक्षम र सबल नागरिक बनाउन मद्दत गर्ने मुख्य लक्ष्यका साथ विद्यालयको स्थापना भएको थियो। हाल बालविकासदेखि कक्षा ८ सम्म अंग्रेजी माध्यमबाट पठनपाठन भइरहेको छ।
“Quality Education is Our Motto”
स्थापनादेखि आजसम्म
स्कुल खोल्ने अनुमति पाएपछि रातापुरमा विकना चौधरीको घरमै पठनपाठन सुरु भयो। श्री तीर्थराज मरहट्टा प्रधानाध्यापकमा नियुक्त भएका थिए।
गा.वि.स. को वर्गीकरणसँगै विद्यालय हाल रहेको ठाउँमा सञ्चालन भयो।
यस वर्षदेखि विद्यालय कक्षा ४ र ५ सम्म सञ्चालन भयो।
यहाँका बालबालिकालाई निम्न माध्यमिक तहसम्मको शिक्षा यसै विद्यालयमा दिने सहमति भएपछि २०५३ फागुन १ गतेदेखि कक्षा ६ र २०५४ सालमा कक्षा ७ सञ्चालन भयो।
कक्षा ८ सञ्चालन गरी स्वीकृति लिने अभियानमा तत्कालीन अध्यक्ष श्री लक्ष्मीकान्त दवाडी लगायत धेरै अभिभावकको ठूलो योगदान रह्यो।
विद्यार्थी संख्या घट्दै जाँदा विद्यालय मर्ज हुने अवस्था आयो। समाजसेवी, शिक्षाप्रेमी र अभिभावकहरूले २०७० जेठ ४ को भेलाबाट अंग्रेजी माध्यममा पढाउने निर्णय गरे, र जेठ १६ गतेदेखि नर्सरीदेखि कक्षा ३ सम्म अंग्रेजी माध्यमबाट पठनपाठन सुरु भयो।
विद्यालयले शैक्षिक सत्र २०८० देखि २०८४ सम्मका लागि ५ वर्षे विद्यालय सुधार योजना बनाएको छ, र त्यसैका आधारमा हरेक वर्ष वार्षिक कार्ययोजना तयार गर्छ।
विद्यालयलाई क्रमशः माथिल्लो कक्षासम्म पुर्याउँदै अहिले कक्षा ८ सम्म अंग्रेजी माध्यमबाट पढाइ भइरहेको छ। विभिन्न महानुभाव र संघसंस्थाको उल्लेख्य योगदान विद्यालयको सञ्चालन, संरक्षण र उन्नयनमा रहँदै आएको छ।
विद्यालयको सामान्य जानकारी
विद्यालय सुधार योजना (२०८०–२०८४) अनुसार
विद्यालयको सेवाक्षेत्रभित्रका सबै किसिमका बालबालिकाको पहुँच सुनिश्चित गरी गुणस्तरीय शिक्षा दिएर समुदायले रोजेको विद्यालयका रूपमा विकास गर्ने।
१. सबै बालबालिकाका लागि पहुँचयुक्त भौतिक पूर्वाधारको विकास गर्ने।
२. बालमैत्री वातावरण तयार गर्ने।
३. विद्यार्थी केन्द्रित, क्रियाकलापमा आधारित शिक्षण सञ्चालन गर्ने।
४. बालबालिकाको औसत सिकाइ उपलब्धि बढाउने।
विद्यालयले शैक्षिक सत्र २०८० देखि २०८४ सम्मका लागि ५ वर्षे विद्यालय सुधार योजना बनाएको छ, र त्यही आधारमा वार्षिक कार्ययोजना तयार गरिन्छ।
प्रारम्भिक बालविकासदेखि कक्षा ८ सम्म — सबै अंग्रेजी माध्यममा
शैक्षिक पात्रो २०८३ अनुसार
तीन त्रैमासिक परीक्षा र वार्षिक परीक्षा, र हरेकपछि नतिजा प्रकाशन।
नेपाली र अंग्रेजी हस्तलेखन, श्रुतिलेखन, चित्रकला, रङ्ग भर्ने, गायन, वाक्य निर्माण, हिज्जे, क्विज, भाषण र नृत्य प्रतियोगिता।
शिक्षक–अभिभावक अन्तरक्रिया वर्षमा चार पटक, र वार्षिकोत्सवमा अभिभावक दिवस।
तीज, तिहार र होली विशेष, सरस्वती पूजा, वार्षिकोत्सव र खेलकुद।
स्मरण परीक्षा, गृहकार्य दिवस, हाउस विभाजन र शुक्रबार मनाउने दिन।
ग्रीष्मकालीन, दशैँ, तिहार र शीतकालीन बिदा, र राष्ट्रिय तथा जातीय पर्वका बिदा।
विद्यालयको इतिहास अभिलेख अनुसार
साथै पर्यावरण सेवा केन्द्र दिव्यनगर–८, मिलन बजार व्यवस्थापन समिति, अन्नपूर्ण सहकारी संस्था (मिलनचोक), सांसद विकास कोष तथा धेरै जनप्रतिनिधि, समाजसेवी र शिक्षाप्रेमीको सहयोग विद्यालयले पाएको छ।
💐 दिवङ्गत आफन्तको सम्झनामा परिवारले स्थापना गरेका १५ वटा स्मृति अक्षयकोष विद्यालयमा छन्। सबै दाता तथा सहयोगीप्रति विद्यालय परिवारको हार्दिक आभार।
विद्यालयको भौगोलिक अवस्था
चितवन, भरतपुर महानगरपालिका वडा नं. २६ रोदिगाउँमा अवस्थित। भरतपुर सदरमुकामदेखि करिब १८ कि.मि. पश्चिममा रहेको मिलनचोकबाट कालोपत्रे बाटो हुँदै १.५ कि.मि. दक्षिणमा पर्छ।
मुख्य सडकबाट केही भित्र पर्ने भएकाले विद्यालय समयभित्र वातावरण शान्त रहन्छ। विद्यालयको कम्पाउन्डमा तारबार गरिएको छ।
सेवा क्षेत्रमा विभिन्न जातजाति, धर्म र संस्कृतिका मानिस मिलेर बस्छन्, र सबैले आ-आफ्ना चाडपर्व र रीतिरिवाज अनुसार मनाउँछन्।
📍 भरतपुर महानगरपालिका–२६, रोदिगाउँ, चितवन · 📞 ९८४५११०८३८